A gran migración no Masai Mara

20, 21 E 22 DE XULLO DE 2013  

Cambiamos as verdes paisaxes dos lagos do Rift Valley pola extensa aridez da sabana. A fronteira entre Kenia e Tanzania divide en dúas partes unha gran superficie de pradeiras. En Kenia está a parte mais pequena, que se denomina Masai Mara, e en Tanzania está a maior parte do parque, coñecido como Serengeti. Entre os dous comprenden unha superficie totalmente salvaxe de 16 000 km², algo mais da metade da de Galicia. Nesta vasta rexión habitan millóns de herbívoros que son o alimento de miles de carnívoros, conformando un dos ecosistemas mais espectaculares do planeta.




A alternancia entre estacións chuviosas e secas obriga a 2 millóns de ñus a migrar constantemente en busca de pasto fresco, acompañados por cebras e gacelas Thomson. Entre xullo e outubro a maior parte dos ñus están en Masai Mara, tal como puidemos comprobar:



O momento mais dramático da migración ten lugar cando algunha das grandes manadas de ñus ten que cruzar o rio Mara, onde os esperan os crocodilos. Os ñus se concentran a un lado do río ata que o mais impaciente se lanza á auga e entón todos o siguen como nunha estampida. Este é un evento impredecible que non tivemos a sorte de presenciar, a pesar de botar 48 horas no parque. Miles de ñus morren cada ano cazados polos cocodrilos, afogados ou por romper as patas durante o cruce.


Marabú comendo un cadáver de ñu

En Masai Mara continuamos vendo os animais habituais desta parte de África, como as xirafas, hipopótamos, elefantes, hienas, chacais, etc, ademais de tres novos tipos de antílope: eland, alcelafo e topi:

Elands
Alcelafos
Topi







Cercopiteco verde sobre un cráneo de elefante

Ademais, vimos moi de cerca a unha familia de guepardos descansando á sombra dunha árbore. Ao día seguinte, noutro lugar do parque, presenciamos de lonxe como unha mamá guepardo cazaba unha gacela Thomson diante das súas tres crias (a foto é moi mala pero foi un momento emocionante).




En Masai Mara e no Serengeti hai tantos leóns que é relativamente fácil velos. Cerca do campamento onde durmíamos reside unha gran manada da que vimos algúns membros:







Ao día seguinte vimos outros leóns e leonas, entre os que destacamos a este gran macho:



O outro gran carnívoro destas terras é o leopardo, que só vimos na escuridade cando voltábamos para o campamento. Pero sentimos cerca a súa presencia cando paramos a comer á sómbra dunha árbore e descubrimos un cadaver de ñu medio devorado escondido entre as ramas, a varios metros de altura. Este é un costume dos leopardos para evitar que outros carnívoros lles rouben a comida.


Nestas dúas xornadas de safari nos aloxamos no mellor campamento desta viaxe, situado no medio do parque sen ningún tipo de valado, e durmíamos rodeados de todos estes animais polo que durante a noite uns masais facian guardia para protexer a quen tivese que sair da tenda.


Desde Masai Mara tivemos que dar un gran rodeo para chegar ao Serengeti, pois a pesar de ser colindantes as estradas están pechadas por causa de problemas políticos entre Kenia e Tanzania. Durante este percorrido fixemos unha visita turística a unha aldea tradicional dos masais, chamadas manyatta, onde homes e mulleres bailaron unhas danzas tradicionais e nos ensinaros as súas vivendas feitas de ramas, barro e esterco.



20, 21 E 22  DE XULLO DE  2013   Cambiamos as verdes paisaxes dos lagos do Rift Valley pola extensa aridez da sabana. A fronteira e...

3 comentarios:

  1. Pero esto que é?. Grandes documentais da 2 polo menos.
    Grazas, ver esto faime animar un pouquiño no curre, traballar ten estes pequenos praceres. Direille a Antía que os vexa.
    Bicos e bo comenzo de curso.

    ResponderEliminar
  2. Anónimo9/4/14 9:42

    Fantásticas imaxes e precioso blog. Encántame !
    Queria consultarvos cómo organizastes estas viaxes ? Algunha axencia recomendable ?
    Gracias
    Carlos

    ResponderEliminar
  3. Grazas polo comentario!

    A viaxe de África foi a única que fixemos, ata agora, a través de axencia. Viaxamos con Kananga (http://www.pasaporte3.com/), unha empresa con multitude de destinos en África que é moi recomendable.

    O resto das viaxes organizámolas nós sós, usando as guías de Lonely Planet e con moita investigación a través de internet, tanto para xestionar coches, avións, reservas, etc como para seleccionar os lugares de interese.

    ResponderEliminar