Fin da viaxe no cráter de Ngorongoro

26 E 27 DE XULLO DE 2013  

De camiño a Ngorongoro
Poboado masai

Hai 2 o 3 millóns de anos estoupou un volcán duns 5000 m de altitude no norte de Tanzania. O que quedou no seu lugar é o cráter de Ngorongoro, unha das caldeiras volcánicas máis grandes do mundo con 18 km de diámetro. As ladeiras que o delimitan teñen unha altura duns 600 m sobre o fondo do cráter, situado a 1800 m de altitude sobre o nivel do mar.

26 E 27 DE XULLO DE 2013   De camiño a Ngorongoro Poboado masai Hai 2 o 3 millóns de anos estoupou un volcán duns 5000 m de al...

1 comentarios:

Serengeti, a chaira infinita

23, 24 E 25 DE XULLO DE 2013  

Xa en Tanzania, e de camiño ao noso novo destino, fixemos unha parada para comer nunha pequena praia á beira do Lago Victoria, o máis grande de África.


Chegamos á porta do parque nacional do Serengeti a media tarde e percorrer co camión os 136 km ata o noso lugar de acampada, situado no centro da reserva, levounos o resto da xornada. Como todos os días, levantámonos cedo para empezar o safari ao mencer.

23, 24 E 25  DE XULLO DE  2013   Xa en Tanzania, e de camiño ao noso novo destino, fixemos unha parada para comer nunha pequena pra...

0 comentarios:

A gran migración no Masai Mara

20, 21 E 22 DE XULLO DE 2013  

Cambiamos as verdes paisaxes dos lagos do Rift Valley pola extensa aridez da sabana. A fronteira entre Kenia e Tanzania divide en dúas partes unha gran superficie de pradeiras. En Kenia está a parte mais pequena, que se denomina Masai Mara, e en Tanzania está a maior parte do parque, coñecido como Serengeti. Entre os dous comprenden unha superficie totalmente salvaxe de 16 000 km², algo mais da metade da de Galicia. Nesta vasta rexión habitan millóns de herbívoros que son o alimento de miles de carnívoros, conformando un dos ecosistemas mais espectaculares do planeta.


20, 21 E 22  DE XULLO DE  2013   Cambiamos as verdes paisaxes dos lagos do Rift Valley pola extensa aridez da sabana. A fronteira e...

3 comentarios:

A reserva de rinocerontes de Nakuru

  19 DE XULLO DE 2013  


Pasamos todo o día de safari no parque nacional de Nakuru, outro dos lagos do Rift Valley, caracterizado por unha paisaxe verde e boscosa. Un dos seus maiores atractivos é a vista do lago abarrotado de flamencos, pero como o nivel de auga estaba moi alto a salinidade non era suficiente para que estas aves se xuntasen en grandes cantidades.

  19 DE XULLO DE 2013   Pasamos todo o día de safari no parque nacional de Nakuru, outro dos lagos do Rift Valley, caracterizado por...

1 comentarios:

Naivasha, un paraíso para aves e herbívoros

 18 DE XULLO DE 2013  

Despois de 2 días en Amboseli, nos diriximos cara o norte para ir ata o lago Naivasha, que forma parte dun conxunto de lagos situados dentro do Rift Valley. Alí fixemos un pequeno safari en barca, que nos permitiu desfrutar dunha impresionante variedade de aves, moitas das cales non voltamos a ver en ningún outro sitio. Numerosos cormoráns acompañaban a pelicanos, tántalos (unha especie de cegoña), picapeixes, ibis, aguias e varias especies de garza:

Tántalo africano

 18 DE XULLO DE 2013   Despois de 2 días en Amboseli, nos diriximos cara o norte para ir ata o lago Naivasha, que forma parte dun conxu...

0 comentarios:

Centenares de elefantes en Amboseli

16 E 17 DE XULLO DE 2013  

Amboseli é un pequeno parque nacional de Kenia situado ao sureste de Nairobi e preto da fronteira con Tanzania.  O seu nome provén da palabra masai empusel que significa "salgado e polvorento", o que fai referencia á aridez da chaira que forma o parque. No seu centro está o lago Amboseli, habitualmente seco e que só se enche de auga en raras ocasións. Pero Amboseli conta permanentemente con varias zonas pantanosas, alimentadas polas augas que veñen do cercano Monte Kilimanjaro. As mellores vistas deste volcán extinto se ven desde aquí, sempre que a calima o permita.

Monte Kilimanjaro

16 E 17  DE XULLO DE  2013   Amboseli é un pequeno parque nacional de Kenia situado ao sureste de Nairobi e preto da fronteira con ...

0 comentarios: