Sulawesi: A vida e a morte para os Toraja

22, 23 E 24 DE AGOSTO DE 2014  


A última etapa da nosa viaxe levounos ata a rexión central da illa de Sulawesi, tamén coñecida por Célebes. Durante tres días, acompañados dun guía local, tivemos a oportunidade de aprender sobre os costumes, creencias e modos de vida dos Toraja, en especial sobre os seus elaborados e insólitos ritos funerarios. Aínda que os Toraja foron convertidos ao cristianismo por misioneiros holandeses a principios do século XX, nunca perderon a súa relixión tradicional, e símbolos das dúas creencias aparecen misturados con total normalidade en igrexas e sepulturas.

22, 23 E 24 DE AGOSTO DE 2014   A última etapa da nosa viaxe levounos ata a rexión central da illa de Sulawesi, tamén coñecida por C...

Flores (III): Kanawa, unha illa paradisíaca

20 E 21 DE AGOSTO DE 2014  


Kanawa é unha pequena illa deshabitada situada a unha hora en barco de Labuan Bajo. Conta con unhas 70 prazas de aloxamento en bungalows e tendas de campaña, un bo restaurante e unha axencia de submarinismo. Non hai ningún tipo de vehículo nin pavimento, e todas as construcións son de madeira, bambú e palla. So hai electricidade de 6 a 11 da noite e a auga doce para o aseo está limitada a 50 litros por persoa e día.

20 E 21 DE AGOSTO DE 2014   Kanawa é unha pequena illa deshabitada situada a unha hora en barco de Labuan Bajo. Conta con unha...

Flores (II): O temible dragón de Komodo

18 E 19 DE AGOSTO DE 2014  

O océano entre Flores e Sumbawa está salpicado por decenas de illas de diferente tamaño, áridas, con manglares nos seus areais e rodeadas por arrecifes de coral. Algunhas delas conforman o Parque nacional de Komodo, único lugar no que habita o dragón de Komodo, o lagarto máis grande do mundo.


18 E 19  DE AGOSTO DE  2014   O océano entre Flores e Sumbawa está salpicado por decenas de illas de diferente tamaño, áridas, con ...

Flores (I): Atravesando a illa de leste a oeste

14, 15, 16 E 17 DE AGOSTO DE 2014  

Os colonizadores portugueses do século XVI puxeron á illa o nome de Flores pola exuberancia dos seus bosques, e na actualidade a poboación segue sendo católica e se bautizan con nomes portugueses moi familiares para nós. Flores carece de servizos para o turismo, exceptuando a vila de Labuan Bajo no seu extremo occidental, que se usa como base para achegarse ás illas que conforman o Parque Nacional de Komodo.
Decidimos coñecer tamén unha parte menos visitada da illa, e desde Bali aterramos en Maumere para desprazarnos en taxi durante 3 días ata Labuan Bajo, circulando por unha estrada de montaña estreita e chea de curvas. A paisaxe é montañosa, selvática e agrícola, o clima é mais frío e húmido, e é evidente o maior nivel de pobreza dos seus habitantes, comparado co que puidemos ver en outras illas de Indonesia.
A nosa primeira parada foi no volcán Kelimutu, que ten na súa cima tres cráteres inundados de auga con cores cambiantes e diferentes, pero a espesa néboa e a chuvia impedíronnos ver nada desta paisaxe. Continuando o noso camiño, detivémonos nun pequeno mercado agrícola no que mercamos salak, a "froita de pel de serpe", un extrano produto de sabor suave e delicioso.


Aproveitamos para comela un descanso que fixemos nunha solitaria praia de area negra e pedras azuladas.

14, 15, 16 E 17  DE AGOSTO DE  2014   Os colonizadores portugueses do século XVI puxeron á illa o nome de Flores pola exuberancia dos s...

Bali (III): Máis templos e arrozais

12 E 13 DE AGOSTO DE 2014  

Xa dixemos que os principais atractivos turísticos de Bali son os templos e os campos de arroz, e a iso adicamos as visitas do noso último día con chófer. Chamounos a atención que todos os templos teñen o seu entorno moi coidado, ben axardiñados e limpos. En Pura Taman Ayun volvimos a atopar altos merus cos seus múltiples tellados de madeira e fibra de palmeira. Con eles trátase de simbolizar o Monte Meru, lugar mítico onde habitan os deuses hindúes.


12 E 13  DE AGOSTO DE  2014   Xa dixemos que os principais atractivos turísticos de Bali son os templos e os campos de arroz, e a iso a...

Bali (II): Os últimos reis balineses

11 DE AGOSTO DE 2014  

A finais do século XVI uns comerciantes holandeses comezaron a instalarse en Indonesia para arrebatarlle o comercio das especias a portugueses, chinos e indios. Foron expandindo o seu control ao longo do tempo e en 1800 a coroa holandesa asumiu a propiedade deste territorio converténdoo nunha colonia. Ao longo do século XIX os holandeses extenderon o seu dominio a case todo o arquipélago mediante acordos coa aristocracia indíxena ou coas armas, impoñendo unha economía de traballos forzosos ao campesiñado próxima á escravitude, que se mantivo ata comezos do século XX. Xapón invade o arquipélago durante a II Guerra Mundial e, tras a rendición xaponesa, os nacionalistas indonesios aproveitan o vacío de poder e declaran a independencia. Holanda envía tropas para recuperar o control e despois de tres anos de guerra, decenas de miles de mortos e baixo unha forte presión internacional, Holanda recoñece en 1949 a independencia de Indonesia.
Bali foi unha das últimas zonas en caer baixo o dominio holandés. O reino de Klungkung era o mais importante de Bali ata que en 1906 foi sometido por Holanda nunha violenta campaña, que rematou cunha batalla suicida na que pereceu a totalidade da aristocracia deste reino balinés. Comezamos o noso día visitando o complexo palacego, do que só queda o pequeno pazo de xustiza con un bonito teito cuberto de pinturas da mitoloxía balinesa.


11  DE AGOSTO DE  2014   A finais do século XVI uns comerciantes holandeses comezaron a instalarse en Indonesia para arrebatarlle o com...

Bali (I): Relixión e agricultura

 10 DE AGOSTO DE 2014  

Adicamos case unha xornada a cruzar desde Java ata o noso destino en Bali. Primeiro cambiamos de illa en ferry, logo collimos un autobús tan ateigado que a xente ía no pasillo sentada en taburetes, e finalmente un taxi para chegar a Ubud. Este turístico pobo sería o noso lugar de residencia durante catro días pola súa cómoda ubicación preto de diferentes puntos de interese. Acordamos cun taxista un itinerario de 3 días para visitar maioritariamente templos hinduístas e arrozais, que é o mais característico de Bali ademais do turismo de sol, praia e surf.


 10  DE AGOSTO DE  2014   Adicamos case unha xornada a cruzar desde Java ata o noso destino en Bali. Primeiro cambiamos de illa en ...

Java (IV): O volcán do lume azul

DE AGOSTO DE 2014  


A vista do cráter do volcán Ijen é magnífica: un enorme lago de cor azul turquesa, paredes verticais, columnas de fume que por momentos ocultan a paisaxe e manchas amarelas de xofre cubrindo parte da beira do lago. Queríamos descender ao fondo do cráter para poder ver o afamado "Lume azul". A actividade parecía non ter máis dificultade que superar fortes pendentes e camiñar de noite, e non nos tomamos moi en serio que o guía levara unhas máscaras antigás na mochila.

8  DE AGOSTO DE  2014   A vista do cráter do volcán Ijen é magnífica: un enorme lago de cor azul turquesa, paredes verticais, colum...

Java (III): A praia das tartarugas

DE AGOSTO DE 2014  

Sukamade é unha praia do parque nacional Meru Betiri onde acoden a desovar varias especies de tartarugas mariñas. Debido a que depredadores como o xabarín comían a maioría dos ovos, o parque nacional estableceu un sistema de protección que consiste en recoller os ovos tras a posta e enterralos en area nun recinto pechado. Cando eclosionan, as pequenas tartarugas son liberadas na praia.
É practicamente imposible chegar a Sukamade en transporte público, así que contratamos coche, conductor e guía durante dous días para que nos levaran ata alí e tamén ao cráter do volcán Ijen. De camiño a Sukamade fixemos unha pequena parada nunhas bonitas praias nas que nos acercamos por primeira vez ao océano Índico.


7  DE AGOSTO DE  2014   Sukamade é unha praia do parque nacional Meru Betiri onde acoden a desovar varias especies de tartarugas mariña...

Java (II): Un volcán cheo de turistas

5 E 6 DE AGOSTO DE 2014  

Despois dos templos de Borobodur e Prambanan, o volcán Bromo é a atracción turística más visitada de Java, tanto por extranxeiros como por indonesios. Chegar alí desde Yogyakarta levounos un día enteiro en tres medios de transporte diferentes. Fixemos a primeira etapa en tren disfrutando dunha viaxe cómoda e agradable, cun camareiro que ofrecía bebida e sabrosas comidas a precio módico. Logo tomamos un autobús no que o revisor intentou enganarnos facéndonos baixar nunha "parada especial" para turistas, pero nós sabíamos o truco e non lle fixemos caso. Por último, tiñamos que coller un minibus que só sae cando está completo ou se os pasaxeiros pagan polas prazas vacías. Despois de esperar unha hora só éramos catro persoas, e como non chegamos a un acordo co prezo, marchamos a buscar un taxi pero non o atopamos. Cando xa empezabamos a desesperarnos, conseguimos un bo acordo cunha axencia de excursións e quedamos aliviados ao chegar comodamente en coche ao noso destino.
Bromo é un volcán activo situado no interior dunha caldeira de pequeno tamaño. Centos de turistas érguense de madrugada para ver sair o sol desde o alto dun monte ao borde da caldeira, a onde chegan en todoterreo. Nós decidimos evitar as aglomeracións, e camiñamos ata outro mirador situado un pouco máis abaixo. Foi un acerto, pois alí estabamos só unhas dez persoas e as vistas eran igual de espectaculares.

Outro volcán que se vía desde o mirador

5 E 6 DE AGOSTO DE 2014   Despois dos templos de Borobodur e Prambanan, o volcán Bromo é a atracción turística más visitada de Java, ta...

Java (I): Dous templos milenarios

DE AGOSTO DE 2014 



Rematada a nosa visita a Borneo, comezamos a segunda etapa da nosa viaxe voando á illa de Java. Na rexión de Yogyakarta atópanse os templos antigos máis importantes de Indonesia, ambos construídos hai uns 1200 anos.

4  DE AGOSTO DE  2014  Rematada a nosa visita a Borneo, comezamos a segunda etapa da nosa viaxe voando á illa de Java. Na rexió...

Borneo: Tres días na selva

1,2 E 3 DE AGOSTO DE 2014  


Kalimantan é o nome que recibe a parte indonesia da illa de Borneo, terceira illa mais grande do mundo e cuberta por unha mítica selva en proceso de desaparición. É o único lugar do mundo, xunto con Sumatra, no que sobrevive o orangután. En 1971 a primatóloga Biruté Galdikas fundou un campamento na rexión de Tanjung Puting, ao sur de Kalimantán, para estudar aos orangutáns no seu hábitat. Actualmente a rexión é un parque nacional de mais de 4000 km² no que vive a maior poboación do mundo de orangutáns salvaxes.

1,2 E 3  DE AGOSTO DE  2014   Kalimantan é o nome que recibe a parte indonesia da illa de Borneo, terceira illa mais grande do mund...

Escala en Dubai

31 DE XULLO DE 2014  

A nosa escala en Dubai permitiunos facer unha visita corta pero completa da cidade. A parte máis antiga, de principios do século XX, está situada á beira dunha canle natural do Golfo Pérsico semellante ao meandro dun río. Un calor abafante acompañounos durante o paseo que dimos por esta zona de edificios baixos, tendas de barrio e pequenos zocos.


31 DE XULLO DE 2014   A nosa escala en Dubai permitiunos facer unha visita corta pero completa da cidade. A parte máis antiga, de princ...

Destino Indonesia

30 DE XULLO DE 2014


Escribimos dende o aeroporto de Madrid mentras esperamos para embarcar nun avión que nos levará ata Indonesia, onde pasaremos case un mes percorrendo algunhas das illas que forman ese país. Organizamos a viaxe en varias etapas ben diferenciadas entre si, pois cada illa conta con personalidade e atractivos propios:

30 DE XULLO DE 2014 Escribimos dende o aeroporto de Madrid mentras esperamos para embarcar nun avión que nos levará ata Indone...

Tres vales pirenaicos

16 A 19 DE XULLO DE 2014  

Val de Pineta
Deixamos atrás Ordesa para visitar algúns dos outros vales que conforman o parque nacional. Comezamos por Pineta, un enorme e longo val do que só unha pequena parte pertence ao parque. No pasado hospedou unha lingua de xeo de mais de 40 km, que excavou un val en artesa case perfecto. Desafortunadamente, a presencia de neve alterou o noso plan outra vez e impediunos subir ao Balcón de Pineta, parte alta do val desde onde se pode admirar a cara norte do Monte Perdido xunto co seu moribundo glaciar.

16 A 19 DE XULLO DE 2014   Val de Pineta Deixamos atrás Ordesa para visitar algúns dos outros vales que conforman o parque naciona...

Ordesa e Monte Perdido, a xoia dos Pirineos

13, 14 E 15 DE AGOSTO DE 2014  

Ponte románica de Bujaruelo

En 1918 o Val de Ordesa (Huesca) foi declarado Parque Nacional, sendo así o segundo territorio en recibir tal protección en España, só un mes despois que a montaña de Covadonga. Isto podería dar unha pista da importancia desta paisaxe de montaña, pero o certo é que a beleza e singularidade deste lugar supera calquera espectativa. En 1982, grazas en parte á presión popular, o parque foi ampliado para incluir os vales de Pineta, Escuaín, Añisclo e o entorno da cima do Monte Perdido, pasando a ter unha superficie 8 veces maior.
Entre os valores mais emblemáticos do parque está o impresionante canón de Ordesa, excavado por glaciares formados nas sucesivas glaciacións que veñen afectando ao planeta desde hai uns 50 millóns de anos. O último período de máxima actividade do xeo tivo lugar no Pirineo hai 50 000 anos, e hai só 16 000 anos que o xeo comezou a desaparecer dos vales.

13, 14 E 15  DE AGOSTO DE  2014   Ponte románica de Bujaruelo En 1918 o Val de Ordesa (Huesca) foi declarado Parque Nacional, se...

O monumento máis grande de Sicilia

20 DE ABRIL DE 2014  


As erupcións do Etna son frecuentes: a última ocorreu a principios deste mesmo ano. Non se considera un volcán demasiado perigoso, e a proba é que miles de persoas viven tranquilamente nas súas ladeiras. Sen embargo, en 1669 unha erupción sepultou varios pobos e chegou ata Catania, que tamén quedou en gran parte destruída a pesar do esforzo dos seus habitantes por construír muros que detivesen a lava ardente.

20 DE ABRIL DE 2014   As erupcións do Etna son frecuentes: a última ocorreu a principios deste mesmo ano. Non se considera un volcán ...

Baixo a sombra do Etna

18 E 19 DE ABRIL DE 2014  

A cidade de Catania non ten, desde o noso punto de vista, ningún atractivo turístico aparte do seu emprazamento aos pés do Etna, que xurde ameazadoramente no horizonte en practicamente calquera lugar da costa este de Sicilia.


18 E 19 DE ABRIL DE 2014   A cidade de Catania non ten, desde o noso punto de vista, ningún atractivo turístico aparte do seu emprazame...

A fragua de Vulcano

 17 DE ABRIL DE 2014  

As illas Eolias forman un arquipélago de orixe volcánico situado na costa norte de Sicilia. Queríamos visitar a máis afastada destas illas, Stromboli, para ver o seu volcán en constante actividade explosiva. Pero o mar estaba revolto e canceláronse as conexións por barco con esa illa, polo que tivemos que adaptar o noso plan e conformarnos con visitar Vulcano, pertencente ao mesmo arquipélago pero moito máis preto da costa.
Os romanos puxéronlle este nome pois crían que a illa era a cheminea do obradoiro onde traballaba o deus Vulcano.  A última erupción ocorreu en 1890, e agora pódese subir facilmente ata o borde do cráter e desfrutar desde alí dunha marabillosa panorámica do resto do arquipélago. As numerosas fumarolas, que emiten continuamente gases sulfurosos a altas temperaturas, e as manchas de xofre que tinxen a terra de amarelo son a proba que o volcán segue aínda activo.


 17 DE ABRIL DE 2014   As illas Eolias forman un arquipélago de orixe volcánico situado na costa norte de Sicilia. Queríamos visitar a ...

Turcos, gregos e normandos

16 DE ABRIL DE 2014 


Os acantilados da Scala dei Turchi son dunha beleza tan abstracta e singular que case parecen irreais. No fondo non son máis que o produto da erosión mariña sobre as margas que forman a parede do acantilado. As margas, compostas por arxila e calcita, son neste lugar dun branco resplandecente, case cegador, qué é o que as fai tan suxestivas.

16 DE ABRIL DE 2014  Os acantilados da Scala dei Turchi son dunha beleza tan abstracta e singular que case parecen irreais. No fondo...

Historia de dúas cidades

15 DE ABRIL DE 2014  


Iniciamos a nosa ruta polo occidente de Sicilia en Castellammare del Golfo, unha tranquila vila mariñeira cercana a Palermo. Na antigüedade foi un porto fundado polos élimos, pobo que habitou no oeste de Sicilia e que se proclamaba a si mesmo descendente dos troianos. Unha das principais cidades élimas foi Segesta, situada cara o interior e rodeada dunha paisaxe agreste e montañosa. Os élimos adoptaron moitos aspectos da cultura grega, como pode verse nos asombrosamente ben conservados teatro e templo dórico da cidade.

15 DE ABRIL DE 2014   Iniciamos a nosa ruta polo occidente de Sicilia en Castellammare del Golfo, unha tranquila vila mariñeira cerc...

A caótica e fascinante Palermo

 14 DE ABRIL DE 2014  

O noso destino nesta Semana Santa foi Sicilia, e fixemos un percorrido que comprendeu gran parte desta illa do Mediterráneo para visitar pobos pintorescos, antigas cidades gregas e volcáns activos.


 14  DE ABRIL DE  2014   O noso destino nesta Semana Santa foi Sicilia, e fixemos un percorrido que comprendeu gran parte desta ill...