As cataratas do Iguazú

15 E 16 DE DECEMBRO DE 2015  


Desde Buenos Aires voamos a Puerto Iguazú, unha pequena localidade arxentina situada na fronteira con Paraguai e Brasil, para visitar as afamadas cataratas. Dous parques nacionais, un arxentino e outro brasileiro, protexen este monumento natural e a selva que aínda se conserva na súa contorna.

15 E 16 DE DECEMBRO DE 2015   Desde Buenos Aires voamos a Puerto Iguazú, unha pequena localidade arxentina situada na frontei...

Viaxe á Patagonia con extensións

12 DE DECEMBRO DE 2015  
 
Comezamos unha nova aventura que nos leva de volta a Sudamérica para coñecer a zona máis austral do continente: Patagonia e Tierra del Fuego, rexions pertencentes a Argentina e Chile. A dura climatoloxía desta zona obriga a facer a visita durante o verán, que se corresponde co noso inverno.
Veremos enormes glaciares, como o famoso Perito Moreno; camiñaremos por fabulosas paisaxes de montaña como as Torres del Paine, no extremo sur dos Andes; cruzaremos o Estreito de Magallanes, navegaremos polo do Canal do Beagle e visitaremos algunha colonia de pingüíns.


12 DE DECEMBRO DE 2015     Comezamos unha nova aventura que nos leva de volta a Sudamérica para coñecer a zona máis austral do con...

Rematamos a viaxe en Santiago (de Chile)

12 E 13 DE AGOSTO DE 2015  

Salvador Allende, diante do palacio da Moneda

O avión que nos levaría de volta a casa saía de Santiago de Chile, así que aproveitamos para coñecer un pouco esta cidade. O frío, a xente vestida con abrigo e bufanda, o ceo gris e as árbores sen follas fixéronnos caer na conta de que alí en agosto están no máis crudo do inverno. Un inverno como o de Galicia, nada que ver con ese inverno de ceos sempre azuis e días soleados que disfrutamos o resto da viaxe.

12 E 13 DE AGOSTO DE 2015   Salvador Allende, diante do palacio da Moneda O avión que nos levaría de volta a casa saía de Santiago ...

O deserto de Atacama

8, 9, 10 E 11 DE AGOSTO DE 2015  

Portal de madeira de cactus
O deserto de Atacama, situado no norte de Chile entre a costa pacífica e a cordilleira dos Andes, é o máis seco do planeta, con zonas onde non caeu unha gota en 400 anos. Esta extrema aridez é causada por unha combinación de varios fenómenos: as augas frías da corrente de Humboldt reducen a evaporación e a formación de nubes nesta zona, os ventos alisios devolven ao océano calquera rastro de humidade que puidera chegar a terra, e a cordilleira dos Andes impide que cheguen ata aquí as masas de aire húmido procedentes da Amazonia.

8, 9, 10 E 11 DE AGOSTO DE 2015   Portal de madeira de cactus O deserto de Atacama, situado no norte de Chile entre a costa pacífi...

Paisaxes doutro mundo

5, 6 E 7 DE AGOSTO DE 2015  

A pequena cidade de Uyuni, á que chegamos en avión desde El Alto, serviunos de punto de partida para visitar as remotas terras do sur do altiplano boliviano. Durante 3 días percorrimos en 4x4 extraordinarias paisaxes deshabitadas a 4000 metros de altitude, un auténtico deserto frío que parece sacado doutro planeta.
A finais do século XIX Uyuni era unha cidade próspera grazas a que nela confluían varias liñas de ferrocarril que transportaban minerais cara os portos do Pacífico. Co declive da industria mineira moitos trens foron abandoados no que hoxe se coñece como o cemiterio dos trens.


5, 6 E 7 DE AGOSTO DE 2015   A pequena cidade de Uyuni, á que chegamos en avión desde El Alto, serviunos de punto de partida para visita...

La Paz, El Alto e Tiahuanacu

3 E 4 DE AGOSTO DE 2015  



La Paz non é a capital de Bolivia, pero si a súa cidade mais importante e sede do goberno. Está situada a unha altitude de 3700 metros, pero aínda mais arriba está El Alto, un antigo barrio que acadou o rango de cidade e onde viven un millón de persoas a unha altitude de 4100 metros.

3 E 4 DE AGOSTO DE 2015   La Paz non é a capital de Bolivia, pero si a súa cidade mais importante e sede do goberno. Está situada a un...

O lago Titicaca

31 DE XULLO, 1 E 2 DE AGOSTO DE 2015   

Atravesamos en autobus as áridas terras do altiplano para chegar á beira do lago Titicaca onde, segundo a mitoloxía andina, emerxeron das augas o sol e a lúa. O inmenso lago está situado entre Perú e Bolivia a unha altitude próxima aos 4000 m. Desde a cidade de Puno, no lado peruano, fixemos unha visita en barca a unhas peculiares illas. O pobo dos Uros viuse ameazado polos incas cando estes comezaron a expandirse pola zona, e idearon un orixinal método para fuxir deles: construir illas artificiais e irse a vivir ao medio do lago. Cada illa é unha pequena aldea flotante onde viven unhas 10 familias, e tanto a illa como as casas que hai nela están feitas dun xunco chamado totora que crece no lago.

Home recollendo totora

31 DE XULLO, 1 E 2 DE AGOSTO DE 2015    Atravesamos en autobus as áridas terras do altiplano para chegar á beira do lago Titicaca onde, ...

Machu Picchu, unha cidade non tan perdida



29 DE XULLO DE 2015 


A maioría dos especialistas cren que Machu Picchu foi un complexo urbano de luxo mandado construir hacia 1450 por Pachacútec, o Inca que iniciou a expansión do seu pobo. Alí vivía unha élite civil e relixiosa en suntuosos  palacios e templos, xunto con colonos agrícolas encargados dos cultivos nas terrazas.

29 DE XULLO DE 2015  A maioría dos especialistas cren que Machu Picchu foi un complexo urbano de luxo mandado construir hacia 1...

Un camiño inca que leva a Machu Picchu

26, 27, 28 E 29 DE XULLO DE 2015  


O imperio inca construíu unha extensa rede de camiños que comunicaban entre si todos os seus asentamentos, xa foran cidades ou simples postos de control. As comunidades próximas a eles eran as encargadas do seu mantemento, e cada poucos quilómetros había pousadas para o descanso dos viaxeiros. Tamén había un efectivo e  rápido servizo de "correos",  cuns mensaxeiros coñecidos  como "chaskis" que mediante un sistema de relevos transmitían información importante a calquera punto do imperio.

26, 27, 28 E 29 DE XULLO DE 2015   O imperio inca construíu unha extensa rede de camiños que comunicaban entre si todos os seus...

O Val Sagrado dos incas

24 E 25 DE XULLO DE 2015  


O val do río Urubamba concentra tal cantidade de importantes complexos arqueolóxicos do Imperio Inca que é coñecido como Val Sagrado. A moi pouca distancia de Cusco, cidades, templos, centros de cultivo e experimentación agrícola, fortalezas militares, dependencias administrativas, almacéns ... aparecen espallados por lugares inverosímiles das ladeiras das montañas. Aínda hoxe a magnificencia destas construcións evidencia a complexidade e riqueza da organización social dos incas. Non tiñan moeda e ao ouro só lle daban un valor simbólico e relixioso. Non coñecían a roda nin o ferro, pero movían e encaixaban con precisión pedras de 300 toneladas. É difícil saber con certeza como funcionaba esta sociedade xa que non se lles coñece escritura propia e as crónicas foron escritas anos despois da desaparición do seu imperio. Na actualidade falta investigación e divulgación arqueolóxica seria e sobra charlatanería mística.

24 E 25 DE XULLO DE 2015   O val do río Urubamba concentra tal cantidade de importantes complexos arqueolóxicos do Imperio In...

Cuzco, o embigo do mundo

23 DE XULLO DE 2015  


Según a lenda, o primeiro Inca, Manco Cápac, recibiu o encargo do deus Sol, Inti, de atopar un lugar onde se puidera cravar na terra unha vara de ouro ata enterrala. Nese punto fundouse Qosq'o, que significa embigo da terra en quechua. O certo é que a civilización inca estableceuse na zona de Cuzco no século XII, aínda que nese momento non era máis que un pequeno estado dos moitos que había nos Andes. Foi a comezos do século XV, uns 100 anos antes da chegada dos españois, cando o  estado que gobernaba o Inca comezou a expandirse ata conquistar gran parte dos Andes, formando un enorme imperio coñecido como Tahuantinsuyo, que abarcaba desde Quito (Ecuador) ata máis ao sur de Santiago de Chile.

23 DE XULLO DE 2015   Según a lenda, o primeiro Inca, Manco Cápac, recibiu o encargo do deus Sol, Inti, de atopar un lugar onde se...

O canón do Colca

20, 21 E 22 DE XULLO DE 2015  

Desde Arequipa partimos en autobús para Cabanaconde,  un pequeno pobo que ía servirnos de punto de inicio para coñecer o Canón do Colca.  Este accidente xeográfico ten unha lonxitude de decenas de km e atravesa moitas comunidades tradicionais adicadas á agricultura. As ladeiras máis suaves están intensamente aterrazadas para o cultivo e compoñen unha bonita paisaxe.


20, 21 E 22 DE XULLO DE 2015   Desde Arequipa partimos en autobús para Cabanaconde,  un pequeno pobo que ía servirnos de punto de i...

Arequipa

19 DE XULLO DE 2015


Arequipa, a segunda maior urbe de Perú con case un millón de habitantes, resultou ser unha agradable e tranquila poboación. Con algunhas rúas peatonais no seu coidado casco histórico, esta luminosa cidade colonial supuxo un respiro do tráfico caótico e ruidoso que impera no resto do Perú. Varios volcáns adornan a paisaxe arequipeña coas súas altas cimas nevadas, e algún ameaza silenciosamente a vida dos seus habitantes.

19 DE XULLO DE 2015 Arequipa, a segunda maior urbe de Perú con case un millón de habitantes, resultou ser unha agradable e tranquila...

O deserto do sur

17 E 18 DE XULLO DE 2015   

Desprazámonos pola costa peruana cara a pequena vila de Paracas, que vive da pesca e do turismo. Desde o seu porto zarpan barcos turísticos para visitar as illas Ballestas, unha reserva natural onde vive unha colonia de leóns mariños e numerosas aves. Lamentablemente, o estado da mar impediu sair os barcos ese día, polo que nos tivemos que conformar con ver os moitos pelícanos que había na praia.


17 E 18 DE XULLO DE 2015    Desprazámonos pola costa peruana cara a pequena vila de Paracas, que vive da pesca e do turismo. Desde o seu...

Trujillo e as culturas preincaicas

14 E 15 DE XULLO DE 2015  

Deixamos as alturas da Cordillera Blanca e desprazámonos nun cómodo autobús-cama ata a cidade costeira de Trujillo, fundada en 1534 por Francisco Pizarro, quen lle deu o nome da súa cidade natal extremeña. O bullicioso casco antigo é de estilo colonial e a maioría dos seus edificios, de unha ou dúas prantas, están ben conservados e pintados con cores vivas.


14 E 15 DE XULLO DE 2015   Deixamos as alturas da Cordillera Blanca e desprazámonos nun cómodo autobús-cama ata a cidade costeira de Tru...

Un paseo polas alturas

10, 11, 12 E 13 DE XULLO DE 2015  

Ás 5 de mañá subimos a unha furgoneta que durante as seguintes 5 horas nos levaría por unha estrada sen asfaltar a través de vales e montañas, ascendendo ata os 4800 m de altitude e pasando baixo o cumio do Huascarán (6768 m), a montaña mais alta de Perú.

Queñuales na lagoa LLanganuco

10, 11, 12 E 13 DE XULLO DE 2015   Ás 5 de mañá subimos a unha furgoneta que durante as seguintes 5 horas nos levaría por unha estr...

Tres días de aclimatación á altura nos Andes

7, 8 E 9 DE XULLO DE 2015  

Con unha viaxe en avión e outra en autobús-cama cambiamos as terras baixas da Amazonía polas montañas tropicais andinas do Callejón de Huaylas. Cando chegamos a Huaraz, a paisaxe cambiara totalmente: altas montañas brancas, aire seco, frio invernal e ladeiras case sen vexetación.
Usamos esta pequena cidade situada a 3100 m de altitude para facer varias excursións pola contorna e co obxectivo adicional de aclimatar o noso corpo ao déficit de osíxeno que existe a medida que se colle altura.
A primeira visita levounos ata as ruínas preincaicas de Chavín de Huántar, non moi ben conservadas debido a avatares históricos e naturais. Foi un conxunto de edificios relixiosos da cultura chavín (1200 - 500 a.C.) presididos por unha pirámide trunca, que estaba adornada con numerosas cabezas de deidades da súa relixión. 


7, 8 E 9 DE XULLO DE 2015   Con unha viaxe en avión e outra en autobús-cama cambiamos as terras baixas da Amazonía polas montañas trop...

Unha fantástica incursión na selva amazónica

2, 3, 4, 5 E 6 DE XULLO DE 2015  


Iquitos é unha cidade do norte de Perú situada a orillas do río Amazonas. Non hai estradas que a conecten co resto do mundo e só se pode chegar a ela por medio de avión ou barco. É un importante porto fluvial ao que grandes barcos chegan desde o Atlántico subindo polo río. Tivo o seu período de esplendor a finais do século XIX co boom do caucho, que rematou en 1915 deixando a cidade na pobreza. A explotación do petróleo, os recursos da selva e ultimamente o turismo devolveronlle parte da importancia que tivo no pasado.

2, 3, 4, 5 E 6 DE XULLO DE 2015   Iquitos é unha cidade do norte de Perú situada a orillas do río Amazonas. Non hai estradas que a c...

Perú, Bolivia e Chile

1 DE XULLO DE 2015

Pasaremos as próximas 6 semanas visitando por libre 3 países sudamericanos. O plan de viaxe inclúe tesouros arqueolóxicos, alta montaña, selva amazónica, cidades coloniais, desertos, volcáns ...
Entre outras moitas cousas, camiñaremos durante 4 días por un antigo camiño inca para chegar a Machu Pichu en Perú, percorreremos en 4x4 o salar de Uyuni no altiplano de Bolivia e visitaremos o deserto de Atacama en Chile.

1 DE XULLO DE 2015 Pasaremos as próximas 6 semanas visitando por libre 3 países sudamericanos. O plan de viaxe inclúe tesouros arqueolóx...

Mallorca (III): Algunhas razóns para visitar esta illa

2, 3 E 4 DE ABRIL DE 2015  

Deixamos atrás a serra da Tramuntana para completar a volta arredor da illa, desprazándonos pola costa norte e este onde nos agardaban castelos e murallas medievais, ruinas prehistóricas, lagoas litorais cheas de aves, estupendas calas escondidas e as bonitas covas do Drach.

Cala de S'Illot en Cabo Pinar

2, 3 E 4 DE ABRIL DE 2015   Deixamos atrás a serra da Tramuntana para completar a volta arredor da illa, desprazándonos pola costa norte...

Mallorca (II): A serra da Tramuntana

29, 30, 31 DE MARZO E 1 DE ABRIL DE 2015  

Illa  Sa Dragonera
A costa oeste de Mallorca, percorrida en toda a súa lonxitude pola serra da Tramuntana, foi declarada Patrimonio da Humanidade debido a espectacularidade da súa paisaxe natural e cultural. O relevo é agreste, con cimas de case 1500 metros de altura, estradas de montaña estreitas e vertixinosas, pequenos pobos escondidos no interior e altos acantilados que caen a un mar dun azul resplandecente.

29, 30, 31 DE MARZO E 1 DE ABRIL DE 2015   Illa  Sa Dragonera A costa oeste de Mallorca, percorrida en toda a súa lonxitude pola ser...

Mallorca (I): A cidade de Palma

28 DE MARZO DE 2015  

Pasamos esta Semana Santa na illa de Mallorca, onde disfrutamos paseando polos seus pobos, camiñando polas súas montañas e calas, e visitando a capital, Palma de Mallorca.
Esta cidade sorprendeunos positivamente, pois as súas rúas están cheas de vida, é agradable pasear por elas, o seu variado patrimonio histórico está ben coidado, e incluso os edificios antigos seguen cumplindo a súa función residencial.


28 DE MARZO DE 2015   Pasamos esta Semana Santa na illa de Mallorca, onde disfrutamos paseando polos seus pobos, camiñando polas súas mo...