Unha tarde en Bremen

19 DE AGOSTO DE 2017

Estatua de Rolando na Marktplatz de Bremen

Tras deixar Escandinavia, todavía nos quedaba cruzar Europa de regreso a casa e, para facer máis levadeiras as longas xornadas de coche, intercalamos algunha parada en lugares que nos pareceron interesantes e coincidían de camiño. Así, decidimos pasar unha tarde en Bremen, unha cidade do norte de Alemania cunha grande importancia comercial desde a Idade Media, aínda que quizáis sexa máis coñecida polo famoso conto dos irmáns Grimm, "Os músicos de Bremen".

19 DE AGOSTO DE 2017 Estatua de Rolando na Marktplatz de Bremen Tras deixar Escandinavia, todavía nos quedaba cruzar Europa de regre...

Estocolmo e a costa báltica sueca

15, 16 e 17 DE AGOSTO DE 2017   

Plaza Stortorget en Estocolmo

O camiño máis corto para cruzar Escandinavia desde Cabo Norte vai pola costa báltica de Suecia pasando por Estocolmo. Tentamos facer este camiño sen desviarnos moito e evitando os destinos que non nos ian aportar nada diferente ao que levabamos vendo nas última semanas. Como resultado, detivémonos en só dous lugares antes de chegar a Estocolmo.

15, 16 e 17 DE AGOSTO DE 2017    Plaza Stortorget en Estocolmo O camiño máis corto para cruzar Escandinavia desde Cabo Norte vai pol...

Os petróglifos de Alta e Cabo Norte

12 E 13 DE AGOSTO DE 2017  


A localidade de Alta acolle un dos mellores conxuntos de petróglifos do mundo. Sobre a superficie rochosa pulida polos glaciares foron gravadas miles de figuras cunha antigüidade entre 2000 e 7000 anos. As sociedades cazadoras-recolectoras que vivían nesta rexión representaron humanos en esceas de caza e pesca, e animais como renos, alces, osos e peixes. Cando foron descubertos nos anos 70 moitos se pintaron de vermello para facilitar a súa contemplación, pero os descubertos posteriormente se deixaron ao natural.

12 E 13 DE AGOSTO DE 2017   A localidade de Alta acolle un dos mellores conxuntos de petróglifos do mundo. Sobre a superficie rocho...

Tromsø, a capital do Ártico

10 E 11 DE AGOSTO DE 2017  


A costa ártica de Noruega está moi fragmentada en illas e fiordos, como se o continente estivese roto en mil anacos. A distancia entre os anacos é corta, e semella que con pouco esforzo se podería recompoñer o puzzle. Se non se mira o mapa, un nunca sabería que Senja é unha illa, a segunda máis grande de Noruega. Está unida á terra por unha ponte, pero nós entramos a bordo dun ferri desde Andenes e collemos outro para sair e continuar o noso camiño cara Tromsø.

10 E 11 DE AGOSTO DE 2017   A costa ártica de Noruega está moi fragmentada en illas e fiordos, como se o continente estivese roto en ...

Lofoten e Vesterålen, arquipélagos árticos

7, 8 E 9 DE AGOSTO DE 2017  


Logo de 4 horas de ferri chegamos ao arquipélago de Lofoten, un conxunto de illas montañosas conectadas entre si por pontes e túneis. Tradicionalmente os seus habitantes adicábanse á pesca e secado do bacallau, aínda que o descenso de capturas e o aumento do turismo están reducindo a importancia relativa desta actividade.

7, 8 E 9 DE AGOSTO DE 2017   Logo de 4 horas de ferri chegamos ao arquipélago de Lofoten, un conxunto de illas montañosas conectadas ...

A estrada das pontes curvadas

4, 5 E 6 DE AGOSTO DE 2017   

Ponte de Storseisundet

O noso obxectivo inmediato era chegar ás Illas Lofoten, situadas na costa atlántica de Noruega, ao norte do círculo polar ártico. Para chegar alí desde Åndelsnes quedaban por diante moitos kilómetros que fixemos en tres días. Aproveitamos para incluír no traxecto un par de rutas panorámicas, das 18 que foron creadas polos responsables de turismo do país. A coñecida como Estrada Atlántica foi construida en 1989 para unir unhas pequenas illas próximas á costa. Algunhas das pontes que unen as illas elevan a estrada de forma abrupta sobre o nivel do mar, coa única finalidade de permitir o paso de barcos baixo elas.

4, 5 E 6 DE AGOSTO DE 2017    Ponte de Storseisundet O noso obxectivo inmediato era chegar ás Illas Lofoten, situadas na costa atlá...

A ruta Romdalseggen

3 DE AGOSTO DE 2017  


Quixemos aproveitar un dos escasos días de sol cos que conta o verán noruego para camiñar por Romdalseggen, outra ruta ben coñecida entre os habitantes do país. Collimos un autobús en Åndalsnes que nos levou ata o punto de inicio xunto con outros moitos sendeiristas de todas as idades que tamén querían aproveitar o bo tempo. A ruta non é demasiado dura aínda que conta con bastante desnivel no comezo e no final.

3 DE AGOSTO DE 2017   Quixemos aproveitar un dos escasos días de sol cos que conta o verán noruego para camiñar por Romdalseggen, out...

Unha estrada panorámica

2 DE AGOSTO DE 2017  


Un dos xeitos que teñen os noruegos de promover o turismo no seu país é a través das rutas panorámicas, que non son mais que percorridos para facer co coche que pasan por diferentes puntos de interese e permiten desfrutar das vistas da paisaxe. A idea é simple pero eficaz: hai unha sinalización adecuada, mapas e web, e miradores e áreas de descanso con servicios básicos. Nos últimos anos dotáronse de infraestructuras moitas rutas ao longo do país, usando deseños arquitectónicos atrevidos que en moitos casos son adecuados pero noutros pretenden ser un atractivo en sí mesmo que distrae a atención da paisaxe que se pretende amosar. Por outra banda, a información sobre a natureza, a xeoloxía, a historia ou a cultura é case inexistente.

2 DE AGOSTO DE 2017   Un dos xeitos que teñen os noruegos de promover o turismo no seu país é a través das rutas panorámicas, que n...

Unha ruta entre lagos

1 DE AGOSTO DE 2017  


Un vento frío nos recibe no embarcadeiro do alongado lago Gjende, no parque Nacional de Jotunheimen. Alí collemos un barco que nos deixará na metade do lago, para retornar ao punto de partida logo dunha camiñata de varias horas. Xa desde o comezo imos acompañados por demasiada xente, feito que nos causa incomodidade durante toda a xornada. Non porque nos moleste a compañía, senón porque se formarán colas que nos farán esperar nos pasos mais complicados da subida, onde hai que trepar e agarrarse ás rochas para avanzar. A pesar destes tramos máis esixentes, familias noruegas con nenas, nenos e cans suben sen maior problema.

1 DE AGOSTO DE 2017   Un vento frío nos recibe no embarcadeiro do alongado lago Gjende, no parque Nacional de Jotunheimen. Alí collem...

En barco polos fiordos

29 E 30 DE XULLO DE 2017  


Comezamos este día subindo a un barco turístico para percorrer os fiordos Aurlandsfjord e o seu ramal Nærøyfjord. Con 29 e 18 km de lonxitude respectivamente, ambos son ramas do gran Sognefjord, de 205 km, o máis longo de Noruega. Estes dous fiordos teñen paredes verticais de 1000 m e son bastante estreitos, variando a súa anchura entre 2 km e 500 m na parte máis angosta. Desde o barco pódese apreciar o fiordo desde o interior, pero nos parecen máis atractivas e espectaculares as vistas que hai desde os miradores situados a maior altura, pois vense os fiordos cunha perspectiva máis amplia que da unha idea do seu enorme tamaño.

29 E 30 DE XULLO DE 2017   Comezamos este día subindo a un barco turístico para percorrer os fiordos Aurlandsfjord e o seu ramal Næ...

Un barrio de mercaderes en Bergen

 29 DE XULLO DE 2017  


Bergen é na actualidade a segunda cidade máis grande de Noruega, pero nos séculos XII e XIII foi capital do país e durante moito tempo o núcleo comercial mais importante de Escandinavia. Era unha das principais sedes da Liga Hanseática, unha poderosa federación de cidades alemanas que dominou o comercio no norte de Europa nos séculos XIV e XV. Ao abrigo desta Liga, en Bergen asentouse unha comunidade de alemáns que vivían nun barrio separado de casas-almacéns de madeira. Desde alí exportaban bacallau seco cara Europa, producto para o que a Hansa tiña monopolio de comercio, e importaban cereal.

 29 DE XULLO DE 2017   Bergen é na actualidade a segunda cidade máis grande de Noruega, pero nos séculos XII e XIII foi capital do pa...

As pedras máis coñecidas de Noruega

26 E 27 DE XULLO DE 2017  


Unha escea moi repetida pola publicidade de turismo en Noruega mostra xente de pé en rochas colgadas nun precipicio a grande altura sobre un fiordo. As imaxes son reais e a maioría delas están tomadas en dous sitios: Kjeragbolten e Preikestolen, ambos situados no fiordo Lysefjord, no suroeste do país.

26 E 27 DE XULLO DE 2017   Unha escea moi repetida pola publicidade de turismo en Noruega mostra xente de pé en rochas colgadas nun p...

Unha igrexa de estilo vikingo

24 E 25 DE XULLO DE 2017  

Chegamos ao sur de Noruega despois dunha semana de viaxe e ter atravesado 6 países diferentes ao longo de 3000 km. O ceo gris, as temperaturas baixas, as estradas estreitas e con curvas e longos túneis déronnos a benvida. Quedan por diante outros 2000 km para chegar ao Cabo Norte, pero o longo traxecto non é mais que unha excusa para percorrer con calma o país de punta a punta.
Como país occidental e europeo que é, Noruega garda moitas semellanzas co resto dos países do continente. Pero pouco a pouco imos atopando cousas extranas que nos fan abrir os ollos de sorpresa.
Como a Igrexa de Heddal do século XII, construida en madeira e sen cravos polos primeiros católicos da Escandinavia, e que presenta un excelente estado de conservación.


Este tipo de igrexas, chamadas hoxe "de postes" por descansar toda a estructura en grosos postes de madeira a modo de columnas, foron edificadas desde finais de século XII ata o XIV, momento en que a peste negra causa unha fonda crise de poboación no norte europeo. Posteriormente a reforma luterana esixe adaptar as igrexas ao novo culto e remodélanse os interiores. Actualmente só quedan 28 das 2000 igrexas deste tipo que se estima que había na Idade Media.


A igrexa de Heddal é a mais grande das que se conservan, e os feligreses do entorno aínda a usan para os seus ritos. No exterior dominan as numerosas cubertas de tellas de madeira e a cor escura, froito do recubrimento de brea que se lle aplica tradicionalmente para protexer a madeira da humidade. Un corredor percorre todo o perímetro protexendo as catro entradas.



No interior as columnas están rematadas por rostros que representan antigos deuses vikingos. A carón do altar aínda está un trono episcopal do século XIII con esceas talladas dunha saga vikinga.






Logo deste fantástico comezo, fixemos unha rota de sendeirismo pola meseta de Hardangervidda, lugar onde con sorte se poden ver manadas de renos salvaxes. Non tivemos esa sorte, e tampouco nos gustou moito a monótona paisaxe.


Rematamos o día acampados á beira dun río onde viven algúns castores, aínda que polo seu comportamento nocturno son difíciles de ver e fotografiar.

24 E 25 DE XULLO DE 2017   Chegamos ao sur de Noruega despois dunha semana de viaxe e ter atravesado 6 países diferentes ao longo de 300...

Fjällbacka, unha ollada á costa sueca

23 DE XULLO DE 2017  


Cruzamos a Suecia desde Dinamarca a través da longa ponte de Øresund e subimos pola costa suroeste sueca ata chegar a Fjällbacka.
Coñecíamos esa pequena vila costeira por ter visto unha serie sueca de TV, baseada nuns libros de grande éxito no seu país e no estranxeiro, que tratan sobre uns crimes cometidos alí.

23 DE XULLO DE 2017   Cruzamos a Suecia desde Dinamarca a través da longa ponte de Øresund e subimos pola costa suroeste sueca ata ch...

Un día en Copenhague

22 DE XULLO DE 2017  


Seguindo a nosa ruta cara o norte tiñamos que cruzar Dinamarca e como quedaba de camiño, adicamos un día para coñecer Copenhague. É unha cidade agradable, tranquila e ben coidada, con grandes prazas e parques, e moita xente desprazándose en bicicleta. A arquitectura contemporánea convive harmónicamente cos moitos edificios históricos que alberga a cidade, e a oferta turística orientase a actividades culturais e de lecer, como museos, restaurantes, exposicións, concertos, etc.

22 DE XULLO DE 2017   Seguindo a nosa ruta cara o norte tiñamos que cruzar Dinamarca e como quedaba de camiño, adicamos un día para c...

A capela carolinxia de Aquisgrán

20 DE XULLO DE 2017  


Carlomagno foi un rei que entre os séculos VIII e IX gobernou no que hoxe é Francia, Alemania, Países Baixos e outros moitos territorios europeos. Desde a caída do imperio romano ninguén lograra acumular tanto poder, polo que conseguiu do Papa de Roma o título de emperador. A capital do imperio carolinxio estaba en Aquisgrán, unha cidade alemana situada cerca da fronteira con Bélxica. Alí mandou edificar unha capela para uso privado, que foi rematada no ano 805 e que hoxe conserva un aspecto moi semellante ao daquel momento. Ao edificio orixinal engadíronselle anexos ao longo dos séculos, conxunto que agora forma a Catedral de Aquisgran.
A Capela Palatina de Aquisgrán é prerrománica e ten unha atípica plana octogonal. Está moi decorada con mármores e mosaicos de estilo bizantino e columnas corintias, algunhas delas expoliadas de edificios da época romana.

20 DE XULLO DE 2017   Carlomagno foi un rei que entre os séculos VIII e IX gobernou no que hoxe é Francia, Alemania, Países Baixos e ...

Tres cidades flamencas

19 E 20 DE XULLO DE 2017  


Continuando a nosa ruta cara ao norte detivémonos un par de días en Bélxica para pasear polas cidades máis bonitas deste país. Nos seus cascos históricos dominan as construccións de ladrillo e madeira, con pequenas casas de dúas ou tres plantas e centos de anos de antigüidade formando rúas e prazas de todos os tamaños.

19 E 20 DE XULLO DE 2017   Continuando a nosa ruta cara ao norte detivémonos un par de días en Bélxica para pasear polas cidades máis...

As primeiras catedrais góticas

17 E 18 DE XULLO DE 2017   

Fachada lateral da catedral de Amiens

Outra cousa pola que paga a pena facer un alto no noso camiño son as grandes catedrais góticas do norte de Francia. É aquí onde a finais do século XII contrúense as primeiras catedrais seguindo este novo estilo arquitectónico, servindo de modelo para que o gótico se extenda por toda Europa. Ademais estas catedrais están en cidades con cascos históricos ben conservados e que son ben diferentes ao que temos cerca da casa.

17 E 18 DE XULLO DE 2017    Fachada lateral da catedral de Amiens Outra cousa pola que paga a pena facer un alto no noso camiño s...

Un château do Loira

16 DE XULLO DE 2017  


Durante os meses de verán estaremos viaxando por Noruega. Dado que iremos ata alí en coche, nos esperan longas xornadas conducindo por autoestradas a través de Europa. Moitos lugares de interés turístico quedan de camiño, así que aproveitaremos para achegarnos a algúns deles.
A nosa primeira parada foi na rexión dos castelos do Loira, onde se concentran en poucos quilómetros numerosos châteaux renacentistas, que son pazos ou casas da nobleza que por ser construídos sobre antigos castelos medievais, conservan elementos do seu pasado fortificado.

16 DE XULLO DE 2017   Durante os meses de verán estaremos viaxando por Noruega. Dado que iremos ata alí en coche, nos esperan longas ...

Voando en avioneta polas Rías Baixas

3 DE XULLO DE 2017  

Illas Cíes

Regaláronnos un voo turístico en avioneta que nos levou desde o aeroporto de Vigo ata a entrada da ría de Muros. Durante a hora que estivemos no aire sobrevoamos a pouca altura as Rías Baixas, disfrutando dunha excelente vista das illas atlánticas e dos cabos que delimitan as diferentes rías.

3 DE XULLO DE 2017   Illas Cíes Regaláronnos un voo turístico en avioneta que nos levou desde o aeroporto de Vigo ata a entrada da...

A fauna das Galápagos en video

Durante a viaxe polas Illas Galápagos, ademais de sacar unhas 4000 fotos tamén fixemos moitas tomas de video con diferentes cámaras. Logo de revisar e organizar o seu contido, escollemos os fragmentos mais interesantes para facer unha montaxe que nos quedase como recordo. No video final aparecen tartarugas mariñas nadando moi cerca de nós, iguanas terrestres pelexando, unha iguana mariña comendo baixo a auga, tiburóns durmindo na súa cova e lobos mariños incitandonos a xogar con eles.



Durante a viaxe polas Illas Galápagos, ademais de sacar unhas 4000 fotos tamén fixemos moitas tomas de video con diferentes cámaras. Logo d...

Fin da viaxe en Quito

29 E 30 DE ABRIL DE 2017  

O avión que nos levou de volta ao continente desde a illas Galápagos fixo unha pequena parada na cidade de Guayaquil, para deixar algúns pasaxeiros e coller outros, antes de continuar cara a Quito. Isto permitiu que nos aproximásemos á capital de Ecuador desde o sur seguindo a Avenida dos Volcáns. Este é o nome que lle deu o naturalista Alexander von Humboldt  ao corredor central que percorre Ecuador de norte a sur flanqueado por dúas cordilleiras, ramais dos Andes, inzadas de volcáns. Desde a ventanilla do avión, puidemos ver un destes volcáns asomando a cabeza entre as nubes.


29 E 30 DE ABRIL DE 2017   O avión que nos levou de volta ao continente desde a illas Galápagos fixo unha pequena parada na cidade de Gu...

Sete días navegando de illa en illa

21 AO 28 DE ABRIL DE 2017  

Embarcamos por segunda vez no iate Golondrina, nesta ocasión co propósito de que nos achegase ás máis orientais das Illas Galápagos. Seguindo unha rutina semellante á do primeiro cruceiro, fixemos unha ducia de desembarcos en terra e outras tantas sesións de snorkel polas illas Genovesa, Bartolomé, Santiago, Plaza Sur, Santa Fe, San Cristóbal, Española, Floreana e Seymour Norte. Pero antes fixemos unha curta parada na praia das Bachas, na illa Santa Cruz.

Setophaga petechia aureola

21 AO 28 DE ABRIL DE 2017   Embarcamos por segunda vez no iate Golondrina, nesta ocasión co propósito de que nos achegase ás máis orie...

Isabela, a gran illa dos cinco volcáns

18, 19 E 20 DE ABRIL DE 2017  


Deixamos o Golondrina por uns días para ir coñecer o sur da illa Isabela pola nosa conta. Esta é, con diferencia, a illa mais grande do arquipélago​, resultado da unión de varios volcáns aínda activos. Co tempo, a placa oceánica moverase cara América, o hotspot deixará de alimentar estes volcáns e a erosión do mar convertirá a Isabela en varias illas mais pequenas.
Unhas poucas rúas sen pavimentar dan lugar a Puerto Villamil, único núcleo de poboación de Isabela. É un sitio tranquilo, de aspecto tropical que vive totalmente volcado ao turismo. Desde alí poden facerse varias excursións interesantes, aínda que para case todas é obrigatorio ir acompañados dun guía por motivos de protección do medio natural.

18, 19 E 20 DE ABRIL DE 2017   Deixamos o Golondrina por uns días para ir coñecer o sur da illa Isabela pola nosa conta. Esta é, ...

Cruceiro polas illas occidentais

14 AO 17 DE ABRIL DE 2017  

O arquipélago das Galápagos componse de 13 illas principais e un montón de illotes e illas menores, polo que para acceder​ aos lugares de visita é imprescindible ir en barco. Só 4 destas illas están habitadas e o resto do territorio está deshabitado e ten o acceso moi limitado. Para chegar a elas é necesario contratar o servizo con algunha empresa que, ademais de proporcionar​ o transporte​, ten a obriga de ​levar un guía habilitado polo Parque Nacional. Os lugares de visita están determinados e na maioría dos casos as empresas se reparten un cupo limitado de visitantes. Existe a posibilidade facer tours diarios desde Puerto Ayora, a vila máis grande das illas, pero pérdese moito tempo navegando ida e volta e ademais algunhas illas están demasiado lonxe para chegar nunha xornada. Nós escollemos a outra alternativa, facer un cruceiro de cinco días que nos levou polas illas de Isabela, Fernandina e Santiago que son as mais occidentais e polo tanto as mais xóvenes en idade xeolóxica.


Embarcamos no Golondrina, un barco pesqueiro reconvertido en yate de cruceiro con 16 prazas de pasaxeiros e 8 tripulantes. Unha xornada típica comeza erguéndonos coa saída do sol as 6 da mañá, con paseos a pé ou en lancha e unha sesión de snorkel (buceo en superficie con tubo), e logo dun descanso tras a comida, o plan repítese pola tarde nun lugar diferente.

14 AO 17 DE ABRIL DE 2017   O arquipélago das Galápagos componse de 13 illas principais e un montón de illotes e illas menores, pol...

Primeiros días nas illas Galápagos

12, 13 E 14 DE ABRIL DE 2017  



Estamos desfrutando dunha longa viaxe percorrendo as Illas Galápagos. Están situadas no océano Pacífico, a 1000 km de Ecuador, que é o país ao que pertencen. A súa orixe é volcánica, resultado da actividade dun hotspot ou punto quente, un fenómeno que tamén crea o arquipélago de Hawai e é a clave que explica a xeoloxía de Islandia. Illadas do resto do mundo, e sendo xóvenes en idade xeolóxica, a súa colonización por parte dos seres vivos da lugar a uns ecosistemas​ singulares​ caracterizados​ por incluír numerosas especies que só existen aquí e que son o resultado dunha adaptación a este entorno diferente ao do seu lugar de orixe.

12, 13 E 14 DE ABRIL DE 2017   Estamos desfrutando dunha longa viaxe percorrendo as Illas Galápagos. Están situadas no océano P...

A selva anubrada de Mindo

9, 10 E 11 DE ABRIL DE 2017  


A dúas horas de viaxe ao norte de Quito está Mindo, unha pequena vila rodeada de selva anubrada que conta como principal atractivo cunha grande variedade de aves e prantas, o que lle da sona mundial entre a xente afeccionada. Ata aquí viñemos en autobús de línea desde a capital ecuatoriana, para aloxarnos durante tres días na Hacienda San Vicente. Esta estancia posúe 200 hectáreas de selva das que unha pequena parte se poden percorrer por camiños e sendeiros sinalizados.

9, 10 E 11 DE ABRIL DE 2017   A dúas horas de viaxe ao norte de Quito está Mindo, unha pequena vila rodeada de selva anubrada que...